Nan mo ki fasil pou konprann, men 101 pi bèl istwa ki sòti nan Bib la ke timoun toupatou nan monn lan renmen. Istwa Biblik toujou bon nenpòt kilè, e yo se verite. Nou swete Bondye va itilize istwa yo ki nan liv sa pou ankouraje ou ak pitit ou!
Si ou se yon manman, ti etid sa yo sou yon bon manman kapab yon pi gwo èd pou ou. Yo kapab ede w’ devni yon bon manman toutbonvre. Senkannde (52) etid sa yo bay bon jan konsèy biblik. Se pou Bondye beni ou avèk anpil kapasite, epi avèk anpil enèji pandan w’ap fòme lavi pitit ou yo.
Ou se yon papa. Se pa nenpòt papa konsa konsa, men ou se papa pi bèl timoun yo ki genyen—pitit pa ou yo. Relasyon sa a pral dire toutotan nou toujou vivan. Pèsonn pa ka pran plas sa a nan lavi pitit ou yo. Liv sa a gen senkannde (52) leson ladan l’ ki pral ede ou reyisi nan travay nòb sa a.
Kat premye leson yo nan liv sa a, bay chemen pou moun ki poko sove a jwenn delivrans nan Jezi Kris. Yo gen entansyon tou pou gide yon moun kreye yon Plan Biznis debaz pou yon ti biznis. Rès leson yo anseye kouman nou dwe viv lafwa nou nan mitan moun e bay ti komèsan konsèy pou lavi chak jou yo.
Èske Bib la kapab ban nou bon direksyon pou tout bann desizyon yo n’ ap fè chak jou vrèmanvre ? Nou di wi ! Nan liv sa a, nou konte etidye kijan moun k’ ap swiv Jezi ta sipoze reyaji devan yon seri pwoblèm ki reyèl nan lavi sa a. Nou vle dekouvri prensip biblik yo ki ka ede nou fè chwa ki bon.
Chak Kretyen gen yon dezi pou li swiv Kris andan kè li. Men Jezi pa isit. Kijan nou kapab konnen Li epi kijan nou ka swiv tras pye Li yo ? Liv sa a te ekri avèk yon gwo dezi pou ede moun repanti epi swiv tras pye Kris yo pandan y’ ap obeyi ansèyman Li yo ak tout kè yo. Swiv tras pye Li yo jodi a !
Nan liv sa a, nou vle egzaminen kijan yon jenn Kretyen sipoze fè fas ak yon seri sityasyon reyèl ki prezante nan lavi li. Nou pral etidye prensip biblik yo ki kapab ede nou fè bon chwa. Bondye vle ou devlope yon bon plan pou sèvis Li, epi Li vle pou ou kanpe djanm kont tout vye atak Satan
yo.
