Nan mo ki fasil pou konprann, men 101 pi bèl istwa ki sòti nan Bib la ke timoun toupatou nan monn lan renmen. Istwa Biblik toujou bon nenpòt kilè, e yo se verite. Nou swete Bondye va itilize istwa yo ki nan liv sa pou ankouraje ou ak pitit ou!
Nou di n’ap viv nan yon tan ki pwogrese, men ki kote pwogrè a ye lè konsa ? Kote ki gen pwogrè, moun viv byen, yo viv dwat. Kote ki gen pwogrè, se kote ki genyen plis jistis epi mwens vyolans. Kote ki gen pwogrè, se kote moun ap kite dwòg ak alkòl. Donk, èske nou se moun devlope oubyen moun sovaj ?
Si ou se yon manman, ti etid sa yo sou yon bon manman kapab yon pi gwo èd pou ou. Yo kapab ede w’ devni yon bon manman toutbonvre. Senkannde (52) etid sa yo bay bon jan konsèy biblik. Se pou Bondye beni ou avèk anpil kapasite, epi avèk anpil enèji pandan w’ap fòme lavi pitit ou yo.
Ou se yon papa. Se pa nenpòt papa konsa konsa, men ou se papa pi bèl timoun yo ki genyen—pitit pa ou yo. Relasyon sa a pral dire toutotan nou toujou vivan. Pèsonn pa ka pran plas sa a nan lavi pitit ou yo. Liv sa a gen senkannde (52) leson ladan l’ ki pral ede ou reyisi nan travay nòb sa a.
